Афіцыйны сайт

Культура

Ашмянскі раён мае добра сфармаваную сацыяльна-культурную інфраструктуру, сваю гісторыю і традыцыі, якія падтрымліваюцца і развіваюцца. Культурным абслугоўваннем насельніцтва ў раёне займаецца 36 устаноў культуры: 17 устаноў клубнага тыпу, 16 бібліятэк, 2 дзіцячыя школы мастацтваў, краязнаўчы музей ім. Ф. К. Багушэвіча. Дзейнасць устаноў культуры накіравана на захаванне і папулярызацыю нацыянальных культурных традыцый, рэалізацыю Дзяржаўных і рэгіянальных праграм, выкананне сацыяльных стандартаў і пошук новых відаў платных паслуг насельніцтву. Штогод установамі культуры раёна праводзіцца каля 4 тысяч мерапрыемстваў, больш за 600 канцэртаў і спектакляў. Ва ўстановах культуры функцыянуюць 107 фарміраванняў, з іх 58 дзіцячых. У раёне налічваецца 22 калектывы са званнем «народны» і «ўзорны»: у сферы культуры – 14, адукацыі - 7 і ў іншых арганізацыях-1. Традыцыйна ў раёне праводзяцца агульнарэспубліканскія, гарадскія і раённыя мерапрыемствы, прысвечаныя Дню Перамогі, Дню Незалежнасці Рэспублікі Беларусь, Дню горада і іншыя. У рамках трансгранічнага супрацоўніцтва Латвія - Літва-Беларусь у 2013 годзе аддзелам рэалізаваны праект міжнароднага тэхнічнага і трансгранічнага супрацоўніцтва «Два бакі - адна гісторыя і культура». У рамках праграмы «ТАНДЭМ» рэалізаваны наступныя праекты: У 2014 годзе на тэрыторыі Кальчунскага сельсавета «Стварэнне клуба старастаў вёсак КУТ – культура кіравання тэрыторыяй». У 2016-2017 гадах на тэрыторыі Мураванаашмянкоўскага сельсавета ў рамках праектнай дзейнасці рэалізаваны праект «Стварэнне і дзейнасць клуба сельскіх старастаў КУТ». У ходзе рэалізацыі праекта ў 2015 годзе ў раёне з'явіўся новы турыстычны аб'ект «Нявесцін камень».