Самы лепшы дзень

   У дзень ведаў у сельскім клубе аграгарадка Баруны было шматлюдна і весела. Тут адбылося цікавае, займальнае тэатралізаванае прадстаўленне - Баба Яга ў Краіне ведаў. Роставыя лялькі Мышка і Кот сустракалі гасцей ужо на вуліцы. У фае з віншавальнымі паштоўкамі рабят і настаўнікаў чакалі Ліса Аліса і Кот Базіліо, якія ласкава запрашалі гасцей наведаць выставу дзіцячага малюнка «Наш лепшы дзень - Дзень ведаў!».
   Свята адкрыла загадчык сельскім клубам Алена Альшук. Яна пазнаёміла дзетак і іх бацькоў з творчымі фарміраваннямі, якія працуюць на базе сельскага клуба і запрасіла рабят стаць іх удзельнікамі.
   І вось, загучалі фанфары, і сцэна сельскага клуба ператварылася ў цудоўную казку, у якой як заўсёды - дабро перамагае зло! Смелы, які прагне вучыцца ў школе, Бураціна перамог і злых Бандытаў са старой Шапакляк, і Бабу Ягу з нявучонай унучкай Сонькай, і Лісу Алісу з Катом Базіліо, хоць і давялося яму разам з хлопцамі прайсці нямала выпрабаванняў. Баба Яга хоць і супраціўлялася, але аддала ключык ад краіны Ведаў Бураціна, пераканаўшыся, што ў Барунскай школе вучацца толькі разумныя, спрытныя і знаходлівыя рабяты.
   Пасля мноства выпрабаванняў у залу ўвайшла сама Каралева Школьных Навук. І Бураціна, як самы руплівы вучань, уручыў ёй запаветны ключ да дзвярэй у Краіну ведаў. Скончыўся свята фотасесіяй з казачнымі героямі. Ад жадаючых зрабіць фота на памяць не было адбою.
   Госці пакідалі сельскі клуб у святочным настроі!