Афіцыйны сайт

Знешнеэканамічная дзейнасць



















ЗНЕШНЕЭКАНАМІЧНАЯ ДЗЕЙНАСЦЬ

   За 2018 год аб'ём знешняга гандлю таварамі і паслугамі на Ашмяншчыне склаў 34,6 млн. долараў ЗША, у тым ліку экспарт - 30,5 млн. долараў ЗША. Знешнегандлёвае сальда станоўчае ў памеры 26,4 млн. далараў ЗША і вырасла на 1,1 млн. далараў ЗША да ўзроўню 2017 года.
   Экспарт тавараў (без уліку нафты і нафтапрадуктаў, а таксама арганізацый, падпарадкаваных рэспубліканскім органам дзяржаўнага кіравання) склаўся на ўзроўні 22082,9 тыс. долараў ЗША, або 102,1% да 2017 года (пры заданні 103,2%). Імпарт тавараў - 3666,0 тыс. долараў ЗША, або 89,1% да 2017 года. Сальда знешняга гандлю таварамі станоўчае - 18416,9 тыс. долараў ЗША. Удзельная вага ў прагнозным паказчыку арганізацый, падпарадкаваных мясцовым Саветам дэпутатаў, выканаўчым і распарадчым органам, - 94,7%, арганізацый без ведамаснай падпарадкаванасці - 5,3%.
   У 2018 годзе знешні гандаль таварамі ажыццяўляўся з 38 краінамі свету, у тым ліку экспарт - у 15 краін. Дыверсіфікацыя экспарту размеркавалася наступным чынам: у краіны СНД рэалізавана 96,7% прадукцыі раёна (у тым ліку Расійская Федэрацыя - 89,6%), у краіны па-за СНД - 3,3% (у тым ліку ў краіны Еўрапейскага саюза - 3,3 %).
   У 2018 годзе экспарт тавараў у Еўрапейскі саюз склаў 746,0 тыс. долараў ЗША пры гадавым заданні 540,0 тыс. долараў ЗША. Экспарт тавараў ажыццяўляўся ў 5 краін Еўрапейскага саюза, пры гэтым пастаўкі павялічаны ў Бельгію, Літву, Нідэрланды ў два і больш разоў. Асноўныя пакупнікі беларускай прадукцыі: Нідэрланды (удзельная вага ў экспарце краін Еўрапейскага саюза - 61,7%). Найбольш значныя экспартныя пазіцыі - лесаматэрыялы і іншыя тавары дрэваапрацоўчай прамысловасці, пастаўшчыкамі якіх з'яўляюцца прадпрыемствы без ведамаснай падпарадкаванасці.
   За 2018 год экспарт паслуг (без уліку арганізацый, падпарадкаваных рэспубліканскім органам дзяржаўнага кіравання) склаўся на ўзроўні 6990,0 тыс. долараў ЗША, або 108,9% да ўзроўню 2017 года, пры заданні 100,0%. Сальда знешняга гандлю паслугамі станоўчае  6600,0 тыс. долараў ЗША.
   У 2018 годзе арганiзацыi раёна аказвалі на экспарт 5 відаў паслуг:
будаўнічыя - 5,3 млн. долараў ЗША, або 104,1% да 2017 года (удзельная вага ў экспарце 68,7%),
транспартныя - 1,6 млн. долараў ЗША, або 124,8% (20,0%),
іншыя дзелавыя - 0,8 млн. долараў ЗША, або 160,2% (10,7%),
турыстычныя - 0,036 млн. долараў ЗША, або 255,6% (0,4%),
паслугі ў галіне аховы здароўя - 0,01 млн. долараў ЗША, або 126,2% (0,1%).
   Экспарт паслуг ажыццяўляўся для рэзідэнтаў 18 краін. Асноўнымі краінамі-партнёрамі з'яўляюцца Расійская Федэрацыя і Літоўская Рэспубліка, на долю якіх прыпадае 74,0% і 15,0% адпаведна.