Афіцыйны сайт

Ашмянская раённая бібліятэка



   На 01.01.2020 года ў склад ДУК "Ашмянская раённая бібліятэка" уваходзіць 16 бібліятэк: 13 сельскіх, 1 гарадская, 1 раённая Дзіцячая, 1 раённая бібліятэка. У раённай бібліятэцы функцыянуюць аддзелы: аддзел бібліятэчнага маркетынгу, аддзел камплектавання, арганізацыі і апрацоўкі адзінага фонду, аддзел абслугоўвання і інфармацыі, пры якім дзейнічае бібліябус - для абслугоўвання аддаленых населеных пунктаў.
   Структурныя падраздзяленні ДУК "Ашмянская раённая бібліятэка" з'яўляюцца агульнадаступнымі ўстановамі, якія забяспечваюць свабодны доступ да інфармацыі і культурнай спадчыны праз бібліятэчныя фонды і электронныя рэсурсы.
   Штогод паслугамі бібліятэк карыстаецца больш за 15 тыс. чалавек, агульная кнігавыдача звыш 300 тыс. асобнікаў, колькасць наведванняў складае больш за 170 тысяч, з іх віртуальных 36 тысяч.
   Сёння бібліятэкі з'яўляюцца інфармацыйнымі, адукацыйнымі і культурнымі цэнтрамі рэгіёну, іх універсальны фонд налічвае 285 тыс.выданняў.
   Эфектыўна выкарыстоўваюцца ў практыцы работы бібліятэкі кампутарныя магчымасці. Усе бібліятэчныя ўстановы кампутарызаваны, маюць доступ у Інтэрнэт і адрас электроннай пошты. На 1.01.2020 г. у бібліятэках налічваецца 47 кампутараў. Абслугоўванне чытачоў раённай і гарадской бібліятэк вядзецца ў аўтаматызаваным рэжыме ў праграме ALIS WEB. Карыстальнікі ўсіх публічных бібліятэк раёна маюць доступ да электроннага каталога раённай бібліятэкі пасродкам яе сайта. Для інвалідаў па зроку пры аддзеле абслугоўвання і інфармацыі створана спецыялізаванае працоўнае месца.
   Пры бібліятэках эфектыўна працуюць 8 мультымедыйных і 2 інфармацыйна-адукацыйных цэнтра.
   Павышэнню прававой культуры насельніцтва і забеспячэнню наведвальнікам свабоднага доступу да прававой інфармацыі садзейнічае праца 4 публічных цэнтраў прававой інфармацыі (ПЦПИ). Штогод да паслуг ПЦПІ звяртаюцца звыш 800 чалавек. Кожны 2 і 4 чацвер месяца ў ПЦПІ раённай бібліятэкі Бясплатны Прыём вядзе юрыст юрыдычнай кансультацыі па Ашмянскім раёне.
   Штогод праводзіцца больш за 1000 інфармацыйна-масавых мерапрыемстваў рознай тэматыкі. Бібліятэкары пастаянна ў пошуку новых формаў работы па прыцягненню чытачоў у бібліятэкі. Увайшлі ў практыку працы такія формы як чытальная зала пад адкрытым небам, буктрэйлер, флэшмоб, буккросінг і інш. Пры бібліятэках працуюць 18 аматарскіх аб'яднанняў для дзяцей і дарослых.
   Больш падрабязную інфармацыю аб працы бібліятэк можна атрымаць на афіцыйным сайце ДУК " Ашмянская раённая бібліятэка» www.biblio-oshm.by.