Афіцыйны сайт

Адукацыя

   Сістэма адукацыі Ашмянскага раёна прадстаўлена 30 установамі адукацыі: 1 гімназія, 6 сярэдніх школ, 10 ясляў-садоў, 2 дашкольныя цэнтры развіцця дзіцяці, 7 вучэбна-педагагічных комплексаў яслі-сад-школа, 1 установа дадатковай адукацыі, цэнтр карэкцыйна-развіваючага навучання і рэабілітацыі, сацыяльна-педагагічны цэнтр з аддзяленнем дзіцячага прытулку, аздараўленчы лагер «Дружба». Працуюць тры дамы сямейнага тыпу.
   Ва ўстановах агульнай сярэдняй адукацыі навучаецца 3785 вучняў, у тым ліку – 447 першакласнікаў.
   У 2020/2021 навучальным годзе ў Ашмянскім раёне арганізаваны падвоз транспартам упраўлення адукацыі для 458 навучэнцаў, якія пражываюць у сельскай мясцовасці, да месца вучобы і назад са 102 населеных пунктаў у 14 устаноў адукацыі (з іх 87 дзяцей дашкольнага ўзросту).
   У поўным аб'ёме выконваюцца дзяржаўныя сацыяльныя стандарты.
   Ахоп дзяцей установамі дашкольнай адукацыі ў 2020 годзе склаў 99,5%. На 92,19% установы дашкольнай адукацыі забяспечаны сродкамі навучання, на 99% -  гульнявым абсталяваннем, на 87,47% -  надворным абсталяваннем і на 94,58% -  вучэбна-метадычнымі дапаможнікамі.
   Арганізавана міжведамаснае ўзаемадзеянне па пытаннях захавання і ўмацавання здароўя выхаванцаў. Зменшылася колькасць пропускаў дзён па хваробе адным дзіцем да 2,3 дня (2018 год - 2,7; абласны паказчык - 3,9 дня).
   Уведзены новыя формы дашкольнай адукацыі: адкрыта 30 груп кароткачасовага знаходжання, з іх 17 адаптацыйных груп, 2 прагулачныя групы, 3 вячэрнія групы, 5 матчыных школ, для 3 выхаванцаў прадастаўляецца гувернёрская паслуга.
   У інавацыйным рэжыме працуюць 6 устаноў адукацыі.
   У 2020/2021 навучальным годзе 184 навучэнцы X-XI класаў вывучаюць прадметы на павышаным узроўні. Адкрыты профільныя педагагічныя групы ў сярэдняй школе № 2 г. Ашмяны, сярэдняй школе № 3 г. Ашмяны, Кальчунскай сярэдняй школе, Дакурнішскім яслях-садзе- сярэдняй школе, у якіх навучаецца 51 навучэнец.
   Працуе профільны клас аграрнай накіраванасці на базе Гальшанскай сярэдняй школы (7 навучэнцаў). Установай адукацыі падпісаны дагавор аб супрацоўніцтве з Гродзенскім аграрным універсітэтам.
   У рамках прадмета «Працоўнае навучанне» 120 навучэнцаў X-XI класаў навучаюцца па спецыяльнасцях «Повар», «Прадавец», «Слесар па рамонце сельскагаспадарчых машын і абсталявання», «Аператар ЭВМ» на базе Ашмянскага дзяржаўнага аграрна-эканамічнага каледжа і па спецыяльнасці «швачка» на базе сярэдняй школы № 1 г. Ашмяны імя М.М.Гружэўскага.
   Па рэзультатах выніковай атэстацыі 2020 года 22 выпускнікі школ узнагароджаны залатымі (сярэбранымі) медалямі (12,8%, 2019 - 23% (40); абласны паказчык 11,5%).
   Па выніках цэнтралізаванага тэсціравання 2020 года атрыманы два стабальныя вынікі (2019 - 1): выпускніцай сярэдняй школы № 2 г. Ашмяны Бражыцкай Юліяй па грамадазнаўстве і выпускніком гімназіі № 1 г. Ашмяны Павіловічам Уладзіславам па хіміі.
   Па 7 вучэбных прадметах выпускнікі школ паказалі вынікі на цэнтралізаваным тэсціраванні вышэйшыя за абласныя (2019 - 7 прадметаў).
   Вынікам якаснай профільнай падрыхтоўкі з'яўляецца высокі працэнт выпускнікоў, якія працягваюць навучанне ў вышэйшых навучальных установах (2020  - 71%, 2019 - 70%).
   Захаваны сфарміраваныя за многія гады падыходы да арганізацыі работы па выяўленні і падтрымцы таленавітых дзяцей і моладзі.
   Заваявана 9 прызавых месцаў на абласным этапе рэспубліканскай алімпіяды па вучэбных прадметах (2019-9).
   На рэспубліканскім конкурсе даследчых работ «Крыштальная альфа 2020» навучэнцамі гімназіі № 1 г. Ашмяны Пекер Лізаветай і Ромме Мікітам заваяваны дыплом III ступені па геаграфіі. У рэспубліканскім конкурсе эколага-біялагічных работ заваяваны дыплом III ступені навучэнкай Жупранскай сярэдняй школы імя Ф.К.Багушэвіча Сухадольскай Арынай.
   У 2020 годзе стыпендыятамі спецыяльнага фонду Прэзідэнта сталі навучэнцы гімназіі № 1 г. Ашмяны Пекер Лізавета і Ромме Мікіта і навучэнка Жупранскай сярэдняй школы імя Ф.К.Багушэвіча Сухадольская Арына.
   У раёне створана і паспяхова рэалізуецца рэгіянальная мадэль спецыяльнай адукацыі. У 24 установах адукацыі 772 дзіцяці (100%) з асаблівасцямі псіха-фізічнага развіцця атрымліваюць спецыяльную адукацыю і карэкцыйна-педагагічную дапамогу (2019/2020 - 695). У 17 установах адукацыі раёна забяспечаны доступ для дзяцей-інвалідаў; у 6 (23%) установах створана ўніверсальнае безбар'ернае асяроддзе.
    Асаблівая ўвага нададзена развіццю музейнай дзейнасці. Ва ўстановах адукацыі працуе 13 музеяў, 4 з іх носяць званне "народны".
    У раёне функцыянуе 7 дзіцячых калектываў харэаграфічнай, музычнай і дэкаратыўна-прыкладнай творчасці, якім прысвоена званне «ўзорны».
    У выхаваўчай рабоце прыняты меры па арганізацыі занятасці навучэнцаў, прафілактыцы правапарушэнняў сярод непаўналетніх, сямейнай неблаганадзейнасці.
    Актыўна развіваецца валанцёрская дзейнасць. У раёне дзейнічае 97 валанцёрскіх атрадаў і 22 цімураўскія атрады. Усяго да валанцёрскага  руху прыцягнута 1442 навучэнцы (70%).
     Удасканальваецца сістэма экскурсійнай дзейнасці. У рамках рэалізацыі турыстычна-экскурсійнага праекта «Да суседзяў» на працягу 2019/2020 года ў экскурсіях прынялі ўдзел 1004 навучэнцы (27,3%). Арганізавана 97 экскурсій за межы раёна.
     Асаблівая ўвага надаецца арганізацыі вольнага часу навучэнцаў. У 2020/2021 навучальным годзе ў 144 аб'яднаннях па інтарэсах у Ашмянскім цэнтры творчасці дзяцей і моладзі займаецца 1966 дзяцей (52%).
   У скарбонку Ашмянскага раёна навучэнцы школ прынеслі 138 перамог у абласных і 81перамогу –  у рэспубліканскіх конкурсах.
   Ашмянскі цэнтр творчасці дзяцей і моладзі ўзнагароджаны дыпломам I ступені Міністэрства адукацыі Рэспублікі Беларусь па выніках рэспубліканскага конкурсу "Нашчадкi традыцый", дыпломам I ступені Міністэрства адукацыі Рэспублікі Беларусь у рэспубліканскім конкурсе "Добры дзень, свет!", дыпломам II ступені Міністэрства адукацыі Рэспублікі Беларусь у рэспубліканскім конкурсе "Выхаванне на аснове традыцый беларускага народа ", дыпломам II ступені Міністэрства адукацыі Рэспублікі Беларусь у конкурсе інавацыйнай і тэхнічнай творчасці навучэнцаў і работнікаў устаноў адукацыі "Дзеці і авангард" за распрацоўку і выраб макета касцёла Св.Пятра і Паўла XVIII стагоддзя ў аг.Баруны.
   На базе ўстаноў адукацыі Ашмянскага раёна адкрыты тры абласныя рэсурсныя цэнтры (сярэдняя школа № 1 г. Ашмяны імя М.М.Гружэўскага, Жупранская сярэдняя школа імя Ф.К.Багушэвіча, цэнтр карэкцыйна-развіваючага навучання і рэабілітацыі Ашмянскага раёна).
   Рэалізаваны раённы праект «Лета-2020: час адпачынку, сацыяльна значных спраў, асобаснага самаўдасканалення». У летні перыяд  2020 года аздароўлены 259 падлеткаў.
   Павялічаны паказчык забяспечанасці спартыўным інвентаром да 96,8% (2019 - 91%).
  Адзначаецца станоўчая дынаміка ў забеспячэнні адукацыйнага працэсу высокакваліфікаванымі кадрамі. З 501 педагога школ 93,01% маюць вышэйшую адукацыю, 76,8% - вышэйшую і першую катэгорыі.
   Праблема забеспячэння ўстаноў адукацыі педагагічнымі кадрамі вырашана за кошт накіравання выпускнікоў школ на навучанне на ўмовах мэтавай падрыхтоўкі (2020 - 27).
   У 2020 годзе прыступілі да працы 26 маладых спецыялістаў (2019 - 23). Усе маладыя спецыялісты ўраджэнцы раёна, 73% навучаліся па мэтавых дагаворах).
Працэнт замацавання маладых спецыялістаў у сістэме адукацыі раёна ў 2019 годзе склаў 79,5%.
   Па выніках 2019/2020 навучальнага года ў абласную Віртуальную кнігу Славы маладых спецыялістаў занесены настаўнік сярэдняй школы № 2 г. Ашмяны Госцік Марына Анатольеўна.
    У 2019 годзе 5 установамі адукацыі Ашмянскага раёна паспяхова рэалізаваны тры гуманітарныя праекты па прыцягненні замежнай бязвыплатнай дапамогі (цэнтр карэкцыйна-развіваючага навучання і рэабілітацыі Ашмянскага раёна, яслі-сад № 3 г. Ашмяны, сярэдняя школа № 3 г. Ашмяны, Ашмянскі цэнтр творчасці дзяцей і моладзі, Мураванаашмянкоўскі яслі-сад-сярэдняя школа).
   У 2020 годзе ў Гальшанскай сярэдняй школе рэалізуюцца два гуманітарныя праекты: «Гальшаны - здаровы пасёлак» і «Сеткавая экалабараторыя».
   На фінансаванне галіны адукацыі ў 2020 годзе было прадугледжана 20686876,11 рубля.
   Выкананы работы за кошт раённага бюджэту па рамонце Ашмянскага цэнтра творчасці дзяцей і моладзі: праведзены бягучы рамонт хола і вучэбных кабінетаў, закуплена мэбля і абсталяванне. Затрачана 96,02 тысячы рублёў.
   Дзякуючы ўдзелу ў мерапрыемствах па эканоміі паліўна-энергетычных рэсурсаў Дзяржаўнай праграмы «Энергазберажэнне на 2016-2020 гады» ажыццёўлена замена вокнаў на энергаэфектыўныя ў сярэдняй школе № 2 г. Ашмяны, у Гальшанскай сярэдняй школе, праведзены работы па ўкараненні энергаэфектыўных асвятляльных прылад (739 штук свяцільнікаў ) у сярэдняй школе № 1 г. Ашмяны імя М.М. Гружэўскага і гімназіі № 1 г. Ашмяны на суму 18,66 тысячы рублёў (у тым ліку сродкі рэспубліканскага бюджэту - 9,14 тысячы рублёў, сродкі раённага бюджэту - 9,52 тысячы рублёў).
   Завершана рэканструкцыя з элементамі мадэрнізацыі дзяржаўнай установы адукацыі "Яслі-сад № 3 г. Ашмяны» ў рамках праекта «Укараненне мерапрыемстваў па энергаэфектыўнасці для ўстойлівага энергетычнага развіцця Ашмянскага раёна Беларусі».
   Пачаты рамонтныя работы ў сярэдняй школе № 1 г. Ашмяны імя М.М.Гружэўскага, Мураванаашмянкоўскім яслях-садзе-сярэдняй школе за кошт сродкаў пазыкі Міжнароднага банка.
   Прыняты меры па стварэнні бяспечных умоў знаходжання дзяцей ва ўстановах адукацыі: усе ўстановы адукацыі абсталяваны відэаназіраннем і кнопкамі трывожнай ахоўнай сігналізацыі.