Семінар па ахове працы прайшоў у Ашмянах

Акцэнт на бездакорным выкананні патрабаванняў Інструкцыі па ахове працы пры працы з пестыцыдамі, мінеральнымі ўгнаеннямі і кансервантамі быў зроблены райкамам прафсаюза работнікаў АПК на раённым семінары з аграномамі і загадчыкамі складскімі памяшканнямі. У мерапрыемстве прынялі ўдзел работнікі Ашмянскага цэнтра гігіены і эпідэміялогіі і грамадскія інспектары па ахове працы.

Раіса Турлай, старшыня райкама прафсаюза работнікаў АПК, дэпутат Гродзенскага абласнога Савета дэпутатаў, адзначыла, што прафсаюзы выступаюць за бяспечную працу і ахову працы. У мінулым годзе былі выяўлены парушэнні заканадаўства ў частцы патрабаванняў прымянення і захоўвання сродкаў абароны раслін, выканання інструкцыі пры працы з ядахімікатамі ў перыяд масавых вяснова-палявых работ.

Марыя Цярэшка, памочнік урача-гігіеніста раённага цэнтра гігіены і эпідэміялогіі, раздала інфармацыйныя памяткі, буклеты, якія тычацца выканання работ са шкоднымі ўмовамі. Спецыяліст нагадала аб асноўных патрабаваннях пры працы з пестыцыдамі, аграхімікатамі і мінеральнымі ўгнаеннямі. Акцэнт быў зроблены на прафілактыцы вострых рэспіраторных захворванняў, вострых кішачных інфекцый, алкагалізму, павелічэнні ў рацыёне харчавання механізатараў гародніны і садавіны.

Адзначалася, што работнікі, занятыя на работах са шкоднымі ўмовамі працы, пастаянна або часова праходзяць гігіенічнае навучанне і абавязковыя медыцынскія агляды. За кожным работнікам на ўвесь перыяд работ павінен быць замацаваны камплект спецадзення: гумавая абутак, рэспіратары, ахоўныя акуляры, пальчаткі або рукавіцы. Ахоўныя сродкі па заканчэнні кожнай працоўнай змены павінны быць ачышчаны. Пасля працы спецвопратку варта вывешваць для ветрання і прасушкі пад навесам або на адкрытым паветры на 10-12 гадзін. Адказныя асобы, прафсаюзныя грамадскія інспектары па ахове працы абавязаны сачыць за тым, каб рабочыя бездакорна выконвалі патрабаванні па ахове працы.

Спецыяліст адказала на пытанні, якія цікавяць удзельнікаў семінара пытанні.