Супрацоўнікі РАУС і аддзела Дэпартамента аховы падарылі дзецям свята

   Падарыць радасць кожнаму дзіцяці – такая галоўная мэта дабрачыннай акцыі «Нашы дзеці», якая ўжо не першы год праходзіць у Беларусі.
   Добрай традыцыяй стала наведванне супрацоўнікамі Ашмянскага РАУС і аддзела Дэпартамента аховы дзяцей, абдзеленых бацькоўскіх цяплом, і тых, хто не можа сустрэць навагоднія і калядныя святы ў коле сваёй сям'і. У гэты раз, увасабляючы ў жыццё ініцыятыву кіраўніцтва Міністэрства ўнутраных спраў, супрацоўнікі міліцыі ў асобе начальніка Ашмянскага РАУС падпалкоўніка міліцыі Аляксандра Рэбо, намесніка начальніка па Ірыка падпалкоўніка міліцыі Івана Куняўскага і старэйшага інспектара ліцэнзійна-кантрольнай групы штаба аддзела аховы маёра міліцыі Вячаслава Шукеловіча не забыліся пра хлопцаў з сацыяльна-педагагічнага цэнтра Ашмянскага раёна, на базе якога функцыянуе дзіцячы сацыяльны прытулак.
   Дзецям былі набытыя салодкія падарункі, а таксама аказаная матэрыяльная дапамога цэнтру з добраахвотных збораў грашовых сродкаў асабістага складу РАУС і аддзела аховы. Дадаткам да падарункаў сталі цёплыя і душэўныя віншаванні супрацоўнікаў міліцыі і пажаданні шчасця і ўдачы ў наступным годзе.
   З зваротнымі віншаваннямі, словамі ўдзячнасці і вершамі выступілі дзеці. Да дзяцей прыйшоў Дзед Мароз, у якога пераўвасобіўся інспектар ДПС АДАІ капітан міліцыі Віталь Шумскі. Яму неабходна было расказаць верш альбо праспяваць песню, а дадаткова разгадаць загадку на веданне правілаў дарожнага руху.
   Затым вартавыя парадку прапанавалі выхаванцам прытулку забаўка на вуліцы. Два службовыя аўтамабілі, за рулём аднаго з якіх прыехаў сам Дзед Мароз, дэманстрацыя спецыяльных сродкаў, якія на сябе маглі прымерыць хлопцы – усё гэта выхаванцам прытулку вельмі спадабалася. Да хлопцаў зазірнуў міліцыянт-кінолаг аддзела аховы Аляксей каралёў са службовым сабакам па мянушцы Хамер, якая прадэманстравала свае ўменні і навыкі, выканаўшы каманды інструктара. У заключэнне хлопцаў пракацілі па святочнаму гораду на службовых аўтамабілях.

АВ