Афіцыйны сайт
16 сакавіка 2021

Аляксандр Лукашэнка зацвердзіў склад Савета Бяспекі

   Кіраўнік дзяржавы Аляксандр Лукашэнка 15 сакавіка падпісаў указ №106, якім зацверджаны склад Савета Бяспекі. Аб гэтым БЕЛТА паведамілі ў прэс-службе беларускага лідара.
   У адпаведнасці з дакументам старшынёй Савета Бяспекі з'яўляецца Прэзідэнт Беларусі.
   У якасці пастаянных членаў Савета Бяспекі зацверджаны восем службовых асоб: прэм'ер-міністр, старшыні Савета Рэспублікі і Палаты прадстаўнікоў Нацыянальнага сходу, кіраўнік Адміністрацыі Прэзідэнта, дзяржаўны сакратар Савета Бяспекі, міністры ўнутраных спраў, абароны, старшыня Камітэта дзяржаўнай бяспекі.
   Членамі Савета бяспекі, згодна з указам, з'яўляюцца старшыні Вярхоўнага суда, Камітэта дзяржаўнага кантролю, праўлення Нацыянальнага банка, Следчага камітэта, Дзяржаўнага ваенна - прамысловага камітэта, Дзяржаўнага пагранічнага камітэта, Генеральны пракурор, міністры замежных спраў, фінансаў, па надзвычайных сітуацыях, начальнік Генеральнага штаба Узброеных Сіл-першы намеснік міністра абароны.
   Як паведамлялася, кіраўнік дзяржавы Аляксандр Лукашэнка на сустрэчы з дзяржсакратаром Савета Бяспекі Аляксандрам Вольфавічам 25 лютага заяўляў, што "трэба сур'ёзна выбудаваць, а дзе-нідзе і перабудаваць" працу Савета Бяспекі Беларусі. "Нам трэба дашліфаваць некаторыя дакументы па функцыянаванні Савета Бяспекі. Хацелася б на падставе вопыту Расіі, Казахстана, іншых дзяржаў, блізкіх нам, ведаць, як яны забяспечваюць функцыянаванне Савета Бяспекі", - адзначаў прэзідэнт.
   Па выніках сустрэчы з кіраўніком дзяржавы Аляксандр Вольфавіч распавёў журналістам аб прапановах па змяненні складу Савета Бяспекі. "Зыходзячы з сённяшняй сітуацыі, прэзідэнту было прапанавана дадаць у склад пастаянных членаў Савета Бяспекі міністра абароны, міністра ўнутраных спраў, старшыні Камітэта дзяржаўнай бяспекі", - інфармаваў ён. Па яго словах, пры распрацоўцы гэтых прапаноў вывучаўся вопыт работы падобных органаў у іншых краінах постсавецкай прасторы, у тым ліку Расіі, Казахстане і Таджыкістане.

БелТА