Версія для друку
Памер
+
Друк

Канцэрт Гродзенскай дзіцячай філармоніі

16.10.2017
   Людзі заўсёды рады гасцям, асабліва, калі гэтыя госці прывозяць з сабой добры настрой і станоўчыя эмоцыі. Менавіта такой і з’явілася сустрэча вучняў з Ашмянскай дзіцячай школы мастацтваў з артыстамі з Гродзенскай абласной філармоніі: цёплай, пазітыўнай, пазнавальнай.
   Канцэрт адбыўся 13 кастрычніка і быў прымеркаваны да Міжнароднага Дня маці. Ён насіў сімвалічную назву «Пяшчотнай, ласкавай самай...» і прайшоў у вясёлай і нязмушанай абстаноўцы. У зале школы не было свабодных месцаў: прыйшлі паглядзець на выступленне як навучэнцы розных аддзяленняў, так і настаўнікі, і бацькі. Артысты здолелі надаць вечару святочнае гучанне.
   Кожны нумар быў настолькі яркім, што гледачы доўга не адпускалі артыстаў са сцэны. Асабліва запамінальным было выступленне вакальнага квартэта, які выконваў кампазіцыю гурта Naviband, а таксама баяніста Г. Сідарчука, які віртуозна выканаў рэпертуар Пятра Дрангі.


Вы можаце знайсці гэту старонку па наступным адрасе:
https://www.oshmiany.gov.by/by/filarmonia/

© Ашмянскi раённы выканаўчы камітэт, 2016
Распрацоўка і падтрымка сайта БЕЛТА