Версія для друку
Памер
+
Друк

Гісторыя пішацца аб'ектывам

08.09.2017
   5 верасня ва ўстанове культуры “Ашмянскі краязнаўчы музей імя Ф.К. Багушэвіча” адбылося мерапрыемства  “Гісторыя пішацца аб’ектывам”, прысвечаннае адкрыццю персанальнай фотавыставы Аляксандра Наумчыка “#Мойгорад”.
   Праект, ствараны рэдактарам інтэрнэт-рэсурса газеты “Ашмянскі веснік”, дазваляе перанесціся на дзесяцігоддзі назад, ўбачыць і параўнаць архітэктуру нашага горада сёння і ўчора. Як прызнаўся аўтар, падчас стварэння фотакалажоў ён адкрыў для сябе ў Ашмянах шмат новага і нечаканага.
   Немагчыма ўявіць твар кожнага горада без яго жыхароў, таму пачаў мерапрыемства персанаж “ашмянскі жыхар” (Піхтулаў В.П.), які ў вершаванай форме звярнуўся да мінулага нашага горада.
   З адкрыццём першай персанальнай выстаўкі аўтара прыйшлі павіншаваць калегі і сябры. Слова ўзялі галоўны рэдактар газеты “Ашмянскі веснік” Г.М. Давідовіч і дырэктар Кальчунскай сярэдняй школы Я.С. Навіцкі.
   Выставачны праект Аляксандра Наумчыка – гэта фотаадлюставанне сувязі часоў, і сцвярджэнне таго, што мінулае існуе побач, трэба толькі захацець яго ўбачыць.



Вы можаце знайсці гэту старонку па наступным адрасе:
https://www.oshmiany.gov.by/by/istoria-pihetsa-obektiwom/

© Ашмянскi раённы выканаўчы камітэт, 2016
Распрацоўка і падтрымка сайта БЕЛТА