Патрыятычная акцыя "Памяць" прайшла ў Ашмянскім раёне

   22 сакавіка для Беларусі-трагічная дата. Менавіта ў гэты дзень у 1943 годзе карным атрадам нацыстаў была спалена вёска Хатынь разам з яе жыхарамі. Сёння на месцы вёскі-абеліскі-іх усталявалі ў знак памяці. Усе гэтыя гады цэлымі пакаленнямі беларусы ўшаноўваюць гісторыю таго, што адбылося. Гэта тычыцца не толькі Хатыні, але і іншых падобных месцаў краіны, за якімі стаіць працятая болем гісторыя.
   З 16 па 20 сакавіка па ўсёй Гродзенскай вобласці праходзяць мерапрыемствы па навядзенні парадку на мемарыялах памяці спаленых вёсак у гады ў Вялікай Айчыннай вайны. Да акцыі далучыліся працоўныя калектывы арганізацый і ўстаноў раёна.
   У апошні дзень завяршэннем акцыі ў гарадскім парку ў Ашмянах ля брацкай магілы стаў мітынг-рэквіем, удзел у якім прынялі прадстаўнікі грамадскіх арганізацый, устаноў адукацыі раёна і прадстаўнікі органаў мясцовай улады. Таксама аддаць даніну памяці да мемарыяла прыйшлі школьнікі.
   Пасля мерапрыемства, часткай якога стала ўскладанне кветак да помніка, удзельнікі мітынгу адправіліся ў вёску Навасяды да месца масавага знішчэння ў лістападзе 1942 года людзей цыганскай нацыянальнасці, дзе магіле пахавана 44 мірныя жыхары, іх прозвішчы невядомыя. Сёння там усталяваны Мемарыял. Фінальным пунктам паездкі стала ўскладанне кветак, запальванне лампадак і хвіліна памяці ў гонар загінуўшых.

Ашмянскі Веснік