З 18 студзеня па 19 лютага пройдзе акцыя "Бяспека-у кожны дом!"

   За няпоўны студзень 2021 года ў Гродзенскай вобласці адбылося 13 пажараў (за аналагічны перыяд папярэдняга года — 19 пажараў), у агні выяўленыя загінулымі 4 чалавекі (у 2020 годзе – 5). Па-ранейшаму асноўнай прычынай трагедый застаецца чалавечая бестурботнасць.
   Для таго, каб паўплываць на самасвядомасць кожнага грамадзяніна, ва ўсіх рэгіёнах рэспублікі з 18 студзеня па 19 лютага пройдзе акцыя " Бяспека-у кожны дом!».
  Пачнецца Акцыя мерапрыемствамі ў цэнтрах бяспекі, наркадыспансерах, а таксама на базе апорных пунктаў грамадскага правапарадку. Другі этап прадугледжвае прафілактычныя сустрэчы на адкрытых пляцоўках сельскіх Саветаў, у аддзяленнях дзённага знаходжання на базе тэрытарыяльных цэнтраў сацыяльнага абслугоўвання насельніцтва. Затым – з 1 па 5 лютага-мерапрыемствы адбудуцца ў вышэйшых і сярэдніх спецыяльных установах адукацыі. На 4-м этапе, які пройдзе з 8 па 12 лютага, будуць арганізаваны сходы і гутаркі на прадпрыемствах і ў арганізацыях;
   Заключны этап акцыі пройдзе ў месцах з масавым знаходжаннем людзей: вакзалах, адкрытых пляцоўках, гандлёвых цэнтрах, рынках.
   На працягу месяца ратавальнікі са сваімі юнымі памочнікамі-актывістамі БМАОСП, БРСМ, валанцёрамі, прадстаўнікамі Белдзяржстраху, БДПА і іншымі зацікаўленымі структурамі паспрабуюць максімальна ахапіць усе пласты насельніцтва, якім раскажуць, як пазбегнуць пажараў, Што рабіць у выпадку іх узнікнення.
   Запрашаем усіх далучыцца да акцыі! Толькі разам мы зробім свет бяспечней!

Ашмянскі РАНС.