Версия для печати
Размер шрифта:
Фото
Печатать

Правілы і парадак прыёму грамадзян

1. Інструкцыя аб парадку прыёму грамадзян і прадстаўнікоў юрыдычных асоб у Ашмянскім раённым выканаўчым камітэце вызначае парадак прыёму грамадзян, у тым ліку індывідуальных прадпрымальнікаў, а таксама прадстаўнікоў юрыдычных асоб у Ашмянскім раённым выканаўчым камітэце (далей, калі не пазначана іншае, - прыём грамадзян) і распрацавана на падставе Закона Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб».
Прадстаўніцтва юрыдычнай асобы ажыццяўляецца на падставе часткі першай артыкула 183 Грамадзянскага кодэкса Рэспублікі Беларусь і грунтуецца на даверанасці, заканадаўстве альбо акце ўпаўнаважанага на тое дзяржаўнага органа або органа мясцовага кіравання і самакіравання.
2. Прыём грамадзян у Ашмянскім раённым выканаўчым камітэце (далей – райвыканкам) праводзяць старшыня райвыканкама, першы намеснік старшыні райвыканкама і намеснікі старшыні райвыканкама, кіраўнік спраў райвыканкама, кіраўнікі структурных падраздзяленняў райвыканкама.
Пры вусным звароце грамадзяне павінны прад'явіць дакумент, які сведчыць асобу. Прадстаўнікі заяўнікаў павінны прад'явіць таксама дакументы, якія пацвярджаюць паўнамоцтвы.
3. Прыём грамадзян старшынёй райвыканкама праводзіцца ў другую і чацвёртую сераду. Працягласць прыёму грамадзян старшынёй райвыканкама складае не менш за пяць гадзін. Пры часовай адсутнасці ў дзень асабістага прыёму старшыні райвыканкама асабісты прыём праводзіць асоба, якая выконвае яго абавязкі.
4. Першы намеснік старшыні, намеснікі старшыні райвыканкама, кіраўнік справамі райвыканкама, кіраўнікі структурных падраздзяленняў райвыканкама праводзяць асабісты прыём грамадзян паводле графіку, які зацвярджаецца штогод старшынёй райвыканкама.
Графік прыёму грамадзян змяшчаецца ў даступным для агляду месцы ў будынку райвыканкама, а таксама рассылаецца ў сельскія выканаўчыя камітэты Ашмянскага раёна (далей – сельвыканкамы).
Службовыя асобы, якія праводзяць асабісты прыём, маюць права адмовіць у асабістым прыёме ў выпадках, прадугледжаных пунктам 2 артыкула 6 Закона "Аб зваротах грамадзян і юрыдычных асоб".
5. Агульнае кіраўніцтва прыёмам грамадзян у райвыканкаме ажыццяўляе старшыня райвыканкама.
Пры правядзенні асабістага прыёму па рашэнні службовых асоб, якія праводзяць асабісты прыём, могуць прымяняцца тэхнічныя сродкі (аўдыё - і відэазапіс, кіна - і фотаздымка), пра што заяўнік павінен быць апавешчаны да пачатку асабістага прыёму.
Па рашэнні службовых асоб, якія праводзяць асабісты прыём, могуць быць арганізаваны выязны асабісты прыём, а таксама папярэдні запіс на такі прыём.
6. Арганізацыю прыёму грамадзян старшынёй райвыканкама забяспечвае аддзел па юрыдычнай працы, зваротах грамадзян і юрыдычных асоб райвыканкама.
Аддзел па юрыдычнай працы, зваротах грамадзян і юрыдычных асоб райвыканкама:
арганізоўвае вядзенне папярэдняга запісу грамадзян, індывідуальных прадпрымальнікаў, прадстаўнікоў юрыдычных асоб, прымае ад іх прапановы, заявы, скаргі, інфармацыю аб выніках папярэдняга разгляду іх зваротаў з дадаткам (пры наяўнасці) дакументаў, якія пацвярджаюць гэтую інфармацыю, і прадстаўляюць сабраную інфармацыю старшыні райвыканкама;
вырашае іншыя пытанні па забеспячэнні якаснага і арганізаванага прыёму грамадзян.
7. У ходзе папярэдняга запісу, вывучэння прадстаўленых матэрыялаў кіраўніком спраў райвыканкама, начальнікам аддзела па юрыдычнай працы, зваротах грамадзян і юрыдычных асоб райвыканкама вызначаецца неабходнасць удзелу ў прыёме кіраўнікоў і спецыялістаў адпаведных структурных падраздзяленняў райвыканкама, раённых арганізацый, вырашаюцца пытанні па забеспячэнні якаснага і арганізаванага асабістага прыёму.
8. Аб выніках разгляду даручэнняў, дадзеных на прыёме грамадзян і аформленых у адпаведнасці з заканадаўствам аб зваротах грамадзян, службовыя асобы дзяржаўных органаў, іншых арганізацый, якім даручаны разгляд гэтых даручэнняў, інфармуюць у тэрміны, устаноўленыя артыкулам 17 Закона Рэспублікі Беларусь "Аб зваротах грамадзян і юрыдычных асоб" райвыканкам.
Кантроль за выкананнем даручэнняў, дадзеных на прыёме грамадзян старшынёй райвыканкама, а таксама за разглядам іх ва ўстаноўленым парадку ажыццяўляе аддзел па юрыдычнай працы, зваротах грамадзян і юрыдычных асоб райвыканкама.
Кантроль за выкананнем даручэнняў, дадзеных на прыёме грамадзян намеснікамі старшыні райвыканкама, кіраўніком справамі райвыканкама, кіраўнікамі структурных падраздзяленняў райвыканкама, а таксама за разглядам іх ва ўстаноўленым парадку ажыццяўляецца імі самастойна, з прыцягненнем для гэтай мэты работнікаў падначаленых ім структурных падраздзяленняў райвыканкама.
Выкананыя даручэнні, дадзеныя на прыёме грамадзян, здымаюцца з кантролю службовымі асобамі, якія праводзілі асабісты прыём.
9. Рашэнне аб прадастаўленні для азнаямлення грамадзяніну, індывідуальнаму прадпрымальніку, прадстаўніку юрыдычнай асобы матэрыялаў, звязаных з разглядам яго звароту, прымаецца начальнікам аддзела па юрыдычнай працы, зваротах грамадзян і юрыдычных асоб райвыканкама, кіраўнік структурнага падраздзялення райвыканкама, у якім знаходзяцца матэрыялы па разглядзе дадзенага звароту, пры неабходнасці – па ўзгадненні са службовай асобай, якая праводзіла прыём.
10. Каардынацыю работы па прыёме грамадзян у райвыканкаме ажыццяўляе кіраўнік спраў.
© Ашмянскi раённы выканаўчы камітэт, 2024.