У Смаргонскай пагранічнай групе падвялі вынікі 2019 года і назвалі лепшыя падраздзяленні

   У сходзе прыняло ўдзел камандаванне групы, камандзіры ўсіх падраздзяленняў, ветэраны, прадстаўнікі грамадскіх арганізацый, а таксама намеснік старшыні Дзяржпагранкамітэта генерал-маёр Ігар Печань.    Летась праз пункты пропуску памежнай групы было прапушчана больш за 4,5 мільёна грамадзян і больш за 1,5 мільёна транспартных сродкаў. Былі затрыманыя больш за 590 парушальнікаў заканадаўства аб дзяржаўнай мяжы Рэспублікі Беларусь, выяўленыя каля 900 асоб, якія парушылі міграцыйнае заканадаўства. Затрымана 374 кілаграмы наркотыкаў і іх прэкурсораў. Ў 155 выпадках выяўлены матэрыяльныя каштоўнасці, якія спрабавалі незаконна перамясціць праз мяжу. Вайскоўцы Смаргонскай памежнай групы самастойна і ва ўзаемадзеянні з супрацоўнікамі ўнутраных спраў знішчылі ў памежнай зоне 270 кілаграмаў нарказмяшчальных раслін.    На ўрачыстым сходзе генерал-маёр Ігар Печань ўручыў дзяржаўныя ўзнагароды афіцэрам і чарговыя воінскія званні.    Па выніках 2019 года за дасягненне высокіх вынікаў у службовай дзейнасці ў сваіх намінацыях пераможцамі конкурсу "лепшае падраздзяленне вайсковай часткі" сталі памежная застава "Каменны Лог" пад кіраўніцтвам капітана Дзмітрыя Сімончыка і памежны пост "Клевіца", які ўзначальвае капітан Павел Туркевіч. Кацярына Рудзік.