Упраўленне культуры Гродзенскага аблвыканкама прызнана лепшым упраўленнем культуры па выніках 2021 года

   Пра гэта паведамляе ўпраўленне культуры аблвыканкама. 2021 год для сферы культуры і яго супрацоўнікаў быў насычаным і цікавым. Пацвярджэннем гэтаму сталі шматлікія акцыі, мерапрыемствы, знакавыя гістарычныя адкрыцці і праекты – усяго не пералічыць. І, вядома ж, заслужанае прызнанне.    Сёння, на пасяджэнні выніковай калегіі Міністэрства культуры, былі аб'яўлены вынікі мноства конкурсаў і творчых праектаў, уручаны ўзнагароды.     Адным з самых знакавых стала прызнанне ўпраўлення культуры Гродзенскага аблвыканкама "лепшым упраўленнем культуры" па выніках 2021 года.    Упраўленне дзякуе ўсім супрацоўнікам (а гэта больш за 7 000 чалавек) сферы культуры Гродзенскай вобласці за працу, творчасць і самаадданасць у прафесіі. Бо нашы перамогі – гэта і вашы перамогі!