Афіцыйны сайт

Дзіцячыя школы мастацтва


* Ашмянская дзіцячая школа мастацтваў
* Гальшанская дзіцячая школа мастацтваў

   Музычна-эстэтычнай адукацыяй дзяцей і падлеткаў у раёне займаюцца 2 дзяржаўныя ўстановы адукацыі «Ашмянская дзіцячая школа мастацтваў» (дырэктар Мажэйка Ж.А.), «Гальшанская дзіцячая школа мастацтваў» (Трот Н.В.). У аграгарадку Баруны адкрыты класы ДУА «Гальшанскай дзіцячай школы мастацтваў». У аграгарадках Навасёлкі, Кальчуны, Жупраны, Мураваная Ашмянка і ў вёсцы Гродзі класы ДУА «Ашмянская дзіцячая школа мастацтваў».
   У школах мастацтваў навучаецца 555 навучэнцаў, 230 з якіх - дзеці з сельскай мясцовасці. Музычнай адукацыяй ахоплена 16,8% навучэнцаў агульнаадукацыйных школ раёна.
Навучанне вядзецца па 4 напрамках: музычнае, харэаграфічнае, мастацкае і мастацка-эстэтычнае. Музычны напрамак уключае наступныя спецыяльнасці: фартэпіяна, скрыпка, баян, акардэон, домра, балалайка, гітара, цымбалы, духавыя інструменты, эстрадныя і харавыя спевы. 
Штогод выпускнікі школ мастацтваў становяцца навучэнцамі Гродзенскага і Лідскага дзяржаўных музычных каледжаў, Гродзенскага каледжа мастацтваў і іншых сярэдніх спецыяльных і вышэйшых навучальных устаноў культуры і мастацтва. У 2016/2017 навучальным годзе 12 выпускнікоў школ мастацтваў Ашмянскага раёна сталі студэнтамі сярэдніх спецыяльных навучальных устаноў культуры і мастацтва.
   У школах працуе 55 настаўнікаў, з іх 35 маюць вышэйшую і першую педагагічную катэгорыю.
     Дзіцячыя школы мастацтваў вядуць актыўную канцэртную дзейнасць. Пры ДУА "Гальшанская дзіцячая школа мастацтваў" функцыянуе вакальна-інструментальны ансамбль настаўнікаў “Элегія” (кіраўнік Шыдлоўская С.У.) і ўзорны дзіцячы інструментальны ансамбль «Мелодика».
   На базе ДУА «Ашмянская дзіцячая школа мастацтваў» дзейнічаюць 2 народных калектыва настаўнікаў: ансамбль народных інструментаў «Карусель» (кіраўнік Мажэйка Ж. А), інструментальны ансамбль «Хорошее настроение» кіраўнік Крыніцкая Г. А.) і 3 дзіцячых: фальклорны інструментальны ансамбль «Весялушкі» (кіраўнік Чэрская Т. В.), харавы калектыў «Крынічка» (кіраўнік Айвазоўская В. Ч.), ўзорны дзіцячы хор «Созвучие" (кіраўнік Буйко А. Э.). У 2009 годзе пры Ашмянскай дзіцячай школе мастацтваў створаны інструментальны калектыў «Інтрыга» (кіраўнік Каралёва Т. В.), які выконвае музыку розных стыляў і напрамкаў.      
   За гады існавання школ мастацтваў склалася шмат выдатных традыцый: правядзенне пераднавагодніх святочных канцэртаў навучэнцаў і настаўнікаў, свята «Пасвячэнне ў юныя музыкі», тэматычныя вечары, ўшанаванне юбіляраў, выпускныя вечары.  
   Навучэнцы і настаўнікі, а таксама узорныя і народныя калектывы актыўна ўдзельнічаюць і з’яўляюцца пераможцамі фестываляў і конкурсаў  не толькі ў Беларусі, але і за мяжой.