На планёрцы ў райвыканкаме: Пажарная бяспека і наступствы снегападу

   Другі пажар з пачатку года зарэгістраваны на тэрыторыі Ашмянскага раёна.
   Як паведаміў начальнік раённага аддзела па надзвычайных сітуацыях Андрэй Горбач, ноччу ў мінулую пятніцу ў РАНС паступіла паведамленне аб загаранні грузавога аўтамабіля MAN 2001 г. в., які знаходзіўся на неахоўнай аўтастаянцы па вуліцы Гальшанскай.
   На шчасце, падаспелі своечасова ратавальнікі паспелі выратаваць кіроўцы аўтамабіля, які ў момант загарання адпачываў у кабіне. У выніку пажару пашкоджаная аўтаномная печ, пярэдняе кола, элементы кабіны, ашалёўка маторнага адсека, тармазныя шлангі.
   Прычына ўзгарання усталёўваецца, а ратавальнікі-пажарныя нагадваюць аб неабходнасці захавання правілаў бяспекі, ад якога наўпрост залежыць жыццё і здароўе кожнага з нас.


   Небывалыя снегапады накрылі Еўропу. У Германіі і Нідэрландах – транспартны калапс. Моцныя парывы ветру і наліпанне мокрага снегу абясточылі каля 300 населеных пунктаў ва Украіне.
   Завеі і снежныя заносы нагналі і Беларусь, прымусіўшы ўспомніць аб сапраўднай зімы і звязаных з ёй нязручнасцях. Мабыць, адно з галоўных - гэта багатыя снегапады, якія не першы тыдзень трымаюць у напружанні дарожныя і жыллёва-камунальную службы, а з імі і тых, хто па меры сіл і магчымасцяў аказвае дапамогу ў расчыстцы дарог — аграпрамтэхніку і сельгасарганізацыі. Пакуль першыя канцэнтруюць увагу на галоўных аўтамагістралях, апошнія падстаўляюць плячо, дакладней тэхніку, у сельскіх населеных пунктах. Спраў сапраўды безліч, паспець за адзін раз расчысціць усе дарогі не атрымаецца.
   На аператыўнай нарадзе старшыня райвыканкама Уладзіслаў Гершгорын пацікавіўся аб колькасці выпадкаў снежных затораў, якія перашкодзілі курсіраванню школьных аўтобусаў і аўтамагазінаў і даручыў адказным аператыўна рэагаваць на падобную інфармацыю, пры неабходнасці мяняць графік руху аўталавак з улікам расчысткі дарог. Бо важна, каб людзі не апынуліся адрэзаныя ад цывілізацыі і звыклых паслуг.


   На планёрцы ў райвыканкаме абмяркоўваліся таксама меры, якія прымаюцца ў дачыненні да старых і пустуючых дамоў, пытанні паэтапнай перадачы на баланс Ашмянскага РУП ЖКГ воданапорных свідравін у сельскай мясцовасці, устанаўлення лімітаў водаспажывання.
   Кіраўнік раёна Уладзіслаў Гершгорын завастрыў увагу камунальнай службы на якасці ўборкі пад'ездаў шматкватэрных дамоў, запатрабаваўшы ў бліжэйшы час наладзіць гэтую працу.

Ашмянскі Веснік